साइकलधरि छैन प्रहरीसँग

काठमाडौँ । अपराध नियन्त्रणसँगै शान्ति सुव्यवस्था कायम गर्ने जिम्मेवारी बोकेको प्रहरस्ले आफ्नो सेवा उत्तिकै चुस्तदुरुस्त पार्नुपर्छ। कहीँकतै अपराध भइहाले तत्काल पहुँच पुर्याउान विभिन्न स्थानमा छुट्टाछुट्टै प्रहरी एकाइ खडा गरिएका छन् ।

  तर, सवारीसाधन अभावमा ती युनिटले अपेक्षाअनुरुप सेवा प्रबाह गर्न सकिरहेका छैनन्। नेपाल प्रहरीका आधाभन्दा बढी कार्यालयसँग साइकलधरि नरहेको पाइएको छ। सडक सञ्जालमा जोडिएका १ हजार ३ सय एकाईसँग सवारी साधन नभएको तथ्य प्रहरीसँग छ। नेपाल प्रहरीका कुल २ हजार ५ सय ३ एकाइ छ।  बाहिरी जिल्लाको त कुरै छाडौं, राजधानीकेन्द्रीत महानगरीय प्रहरीकै दुई एकाई सवारीबिहीन छन्।

प्रहरी प्रधान कार्यालयको तथ्यांकअनुसार गोंगबुको अस्थायी प्रहरी प्रभाग र ललितपुर, सन्तानेश्वरस्थित प्रहरी बिटमा सवारी साधन छैन। यस्ता एकाइमा प्रहरी नायब निरीक्षकदेखि प्रहरी हवल्दारसम्मको दरबन्दी हुन्छ । नागरिक दैनिक