राष्ट्रिय पुस्तकालय अझै बोरामै

काठमाडौँ ।गत वषको भूकम्पपछि बोरामा थन्किएको राष्ट्रिय पुस्तकालयका सयौं वर्ष पुरानामा पुस्तक अझै त्यही अवस्थामै छन् ।

भूकम्पले ललितपुरको हरिहरभवनस्थित राष्ट्रिय पुस्तकालय जीर्ण भएपछि डेढ लाख पुस्तक ज्ञानेश्वरस्थित महेन्द्र भवन विद्यालयको दुई तलामा राखिएको छ। गत महिना शिक्षा मन्त्रालयले किरा र धमिरा लागेका केही पुस्तकलाई तत्काल बोराबाट झिकेर राखेपनि पुस्तकालय अन्यत्र सारिएको छैन ।

शिक्षा मन्त्रालयले भने सयौं वर्ष पुराना तथा महत्वपूर्ण पुस्तकलाई तत्काल घर भाडामा लिएर सुरक्षित राख्ने कदम अघि बढेको जनाएको छ।  पुस्तकालय विस्तारका निम्ति जमलस्थित त्रिविको जग्गा उपलब्ध गराउन भनिएको छ। जग्गा उपलब्ध गराउन मन्त्रालयले फाइल अघि बढाउन भने सकेको छैन । कान्तिपुर दैनिक