महाअभियोग सिफारिस समिति गठन, को को छन् सदस्य ?

काठमाडौँ । व्यवस्थापिका संसदले महाअभियोग सिफारिस समिति गठन गरेको छ  ।  बुधबारको संसद बैठकले समितिलाई   सर्बसम्मत पारित गरेको हो । समितिमा एमाले र कांग्रेसबाट ४-४ जना, माओबादीबाट २ जना र राप्रपा नेपालबाट १ जना छन् ।

राप्रपा नेपालले समितिमा आफ्नो प्रतिनिधिलाई नराखे प्रधानमन्त्रीको सम्बोधन अवरोध गर्ने चेतावनी दिएपछि अन्तिम समितिमा राप्रपा नेपाललाई पनि समाबेश गराईएको हो ।

समितिमा एमालेबाट केशव बडाल, सुशीला नेपाल, पार्वत गुरुङ र रेवतीरमण भण्डारी रहेका छन्  । त्यस्तै नेपाली कांग्रेसबाट ज्ञानेन्द्रबहादुर कार्की, दीपक कुइँकेल, फरमुल्लाह मन्सुर र कुमारी लक्ष्मी राई छन् । यसैगरी माओवादी केन्द्रबाट अमनलाल मोदी र रामनारायण बिडारी सदस्य  छन् भने राप्रपा नेपालबाट प्रमुख सचेतक दीलनाथ गिरी समितिमा रहने छन् ।

समितिले संबिधानले महाभियोग लगाउन सकिने भनिएका व्यक्तिलाई महाभियोग लगाउने आधार र कारण विद्यमान भए÷नभएको छानबिन गरी संसद समक्ष सिफारिस गर्न छ ।